自然養生 - 奇異果連皮食真奇異

上回分享左36℃養生果汁,將生果放入養生機高速攪拌分半鐘就會變成一杯杰撻撻、狀似沙冰但暖暖地的果汁。 近年流行奇異果連皮食嘅瘦身妙法,我都一於唔放過。原來奇異果全身都是寶,維他命是橙的2倍,鋁含量是蘋果的17倍,最精華的部份更是果皮。 咁連皮點食呀?用鉗拔?用鬚刨剃?只要用一塊乾淨的毛巾,大力摔它的短毛;或者用一把牛油刀,先刮毛再用毛巾摔。如果怕有小蟲,可以用鹽水浸10分鐘,再沖洗及刮毛,就確保毛毛一脫清兼乾淨清潔。 想少啲毛可以用黃金奇異果,但我偏向用較酸的青奇異果,一來果糖較少,二來在中醫角度酸味入肝,對肝臟有強化作用。 口感上,奇異果汁無果皮的苦澀味,只覺纖維感十足,一飲入口你完全Feel到腸道好似在蠕動,暢快無比。

About the Author