Q版生活 – 愛自己

由2013年年尾開始直到現在，跟一般公司一樣，忙碌著做評核、出糧、派信、周年晚宴等。未有太多時間可以停下來休息一下，可能正因為這原因竟然病起來，其中一次看醫生時有以下對白：
 
我：醫生，我39.8度高燒左2日，會唔會係H1N1呢?
醫：H1N1冇…冇您咁精…神架，哈哈，唔…唔駛擔心喎
我：唔係喎醫生，我見新聞講果D個案，本來好精神，就係延誤左醫治就死左啦
醫：您…您冇事嘅，高燒都…都唔一定係H1N1
醫生勉強地寫紙俾我去照肺，照肺後。
醫：嘩….恭喜晒，個肺靚到呢，您…您都係唔好諗咁多野，快D好返，去跑…跑下步好過。
 
就係佢呢一句，令我諗起，千萬不要讓自己太忙，可能您會話，唔忙? 唔駛做、想死咩?
我所講嘅係：人忙心不忙。
 
之前我有一個習慣，耐不耐請半天假，熟悉我的同事都知道，這是我喜愛並享受的『Running Leave』，如果可以的話，我差點想直接寫『Running Leave』在HR那張假期申請表上。
 
原來已經有2個多月沒有請『Running Leave』了，真的要悔改，要學懂愛自己多一點，讓心靈好好休息一下。
 
您呢? 您又會用咩方法Retreat? 俾自己身心靈叉叉電?
 
 
<曾子怡撰文之Q版生活系列>