Sorry, you need to enable JavaScript to visit this website.
移至主內容

感冒都可以做運動?

有人話:運動有助排毒,所以 #感冒 時去做運動就最好不過,係真唔係呢?
感冒都有好幾種,如果你患嘅感冒係輕微流鼻水、喉嚨唔舒服,而你又覺得精神狀態同平日差不多,響呢種情況下,可以做低強度嘅運動,時間上亦要比起平日為短。

咁樣有咩好處:
- 可以提升新陳代謝
- 提高免疫力
當然要留意嘅係,如果已感到疲倦及精神狀態一般的話就真係要好好休息下啦。
咁另一種感冒又點呢? 如果有發燒、嘔吐、腹瀉等,諗都唔駛諗啦,一定係要食藥飲水加休息啦!

解釋下點解呢個情況絕對唔適合做運動,運動期間係會促進新陳代謝,試諗諗如果身體已處於發燒狀態,加埋您去跑個步,再提高體內溫度的話,就等於火上加油,好危險啦!
記得唔舒服就一定要休息,唔好死頂,等待身體恢復之後再戰江湖吧。

如果想知更多健康生活小貼士, 記得訂閱 [Sonia亞桑]Channel, 同埋要hit the notification bell, 咁就收到最新消息啦,Click in: https://bit.ly/34H3Gfx