一個動作減肚腩強大腿收小腿樣樣齊
炎熱嘅夏天就嚟嚟到，當然又係一個適合嘅時機去減肥啦。之前差唔多日日都坐響屋企，大肚腩唔小心都走咗出嚟，坐得多發覺四頭肌嘅肌力亦都減弱了，點算好?
響呢個時候分享一個超級簡單嘅動作，睇住一齊學一齊做，靚靚身材好快翻返嚟。
呢個動作可以響屋企，亦都可以響公園做，如果怕地下太硬唔舒服，建議你可以響瑜珈蓆上面做，就會舒服得多啦。
動作：
1. 坐下，先屈曲左腳，右腳伸直，上半身放鬆用手支撐
2. 保持呼吸，呼氣時舉高右腳，動作需要保持緩慢嘅速度，唔需要快，呼氣時同時用力收腹
3. 重複8至10下，做三組
4. 屈起腳趾，呢個動作可以幫助我哋同時伸展小腿
*左右腳輪流做
