Q 版健康 – 冷壓排毒果汁

最近相約朋友食飯，得來的回應竟然是：6天之後才可應約，這幾天我on diet呀。
我連忙回答：唔怕喎，至多我陪您，食得清D! 點知朋友話：我今次個Diet係完全唔食野，淨飲野!

實在呆左唔識反應，6日唔食?
唔知大家有否留意，近年潮興一種Cold Pressed Juice冷壓果汁，有幾款不同的療法，聲稱若果連續6日只飲果汁而且不進食，就有「排毒」的效果。我朋友都可稱為典型OL代表，她說成個寫字樓有過半數同事都試過，所以她一直心郁郁想試。

這個令大批OL趨之若鶩的方法，亦不是人人受得。
首先，我6小時唔食都已經開始肚餓，再講，原來一整個6天療程，盛惠2千多元。您沒有聽錯，2千多元是『淨飲價』。

究竟冷壓果汁又是何方神聖?
大家都聲稱透過這冷壓技術，就可以完全保持到蔬果內的營養素，6天內(以每天需飲用6枝不同的冷壓蔬果汁)，便可以清除體內毒素。

6天飲用36枝不同的冷壓蔬果汁，是否可以排毒，以常識論，我認為可以。由於蔬果汁含有大量纖維，確實有清除宿便的效果。不過我又咁講，以常人來說，只要您飲食均衡，其實都做到這效果。

相反，要注意是生果本身有果糖存在，會否飲用了過多果糖?
長時間不進食，單靠蔬果汁的營養是否足夠維持人體基本所需?
排毒，人人都想，但是用什麼方式，就由您自己決定了。
 
<曾子怡撰文之Q版健康系列>