Q版生活 – JUST『Let Go』
無論您有沒有小孩,相信您一定遇過以下情況:
媽:亞仔,叫人啦!
媽:老師,佢其實唔係咁嘅意思呀。
媽:唉呀,佢扭眼瞓咋,平日都好多野講架。
通常小朋友未開聲,80%父母已經幫左佢搶答,起跑線不再談了,接受現實,大家既已在場上開跑,想跟大家分享最近有所體驗。
我家在青衣碼頭,沿海濱長廊大約走10分鐘可以到達青衣城,由半年前多,我開始嘗試讓四歲多的江喬自己行這段路,因為汀汀會在青衣城等她。我事前問她想不想“嘗試”,因為我留意到她在EQ班正學習『勇敢嘗試』,她竟然一口答應,仲識答: 我做得到。
EQ班果然厲害!
我跟她一落到屋企樓下,她就勇敢跟我們分手,自己一個小矮人背著書包仔慢慢行,當您在老遠的背後望著女兒慢行時,原來另有一番風味。
- 我發覺佢會同花花講野
- 有途人會用懷疑的眼神望著她(點解唔見佢爸爸媽媽?)
- 有對公公婆婆想走過去幫佢
- 差點仆倒,自己又再行過
年紀小的她,不知道我們遠遠跟隨著,晚上睡覺時:
媽媽,我今日好勇敢呀,自己一個人行左去青衣城,我好開心,我有講俾花花知道。
望著她的天真,我體驗到,原來有時放開手,Just let go…都是一種幫助佢成長的方法。
<曾子怡撰文之Q版生活系列>