Q版生活 – 認真就輸?

話說公司週年晚宴部門需預備一個表演,早在半年前已經有一個打算,『獅、旗、鼓』。
 
坦白講都有些少私慾,希望挑戰難度,結果在晚宴兩個月前開始練習…
 
我們接近總動員,放工後一行十多人齊集火炭工業區,開始第一次練習。接下來的兩個多月,我們爭取在無數午飯時間練習,感覺還未夠,放工再加班練習,練習過後,同事再上寫字樓繼續工作。
 
昨夜週年晚宴終於來臨,我們負責當中一個表演之餘,更要負責整晚流程。在忙碌當中看著每位同事的背影,下午已到會場預備,沒有時間進餐,各就各位,毫無怨言,老土講句:這就是團隊,『beyond a TEAM』。朋友時常問我這個轉工王,何解這份工可以做咁耐? 我應該已經愛上這團隊,捨不得而已。
 
講回我們籌備2個多月的表演,有一些體驗,原來一直望見人家舞獅,彷彿身輕如燕的獅頭,是一個騙局! 看見師傅示範旗手動作時沒有難度,何以旗在我手時,才發覺自己的協調是負分之餘,原來連左右都分不到,2個多月的練習充滿無窮笑聲及歡樂。
 
人家常說:做人認真就輸。
都係果句,睇您點睇啦!
 
天生我就是個享受過程的人,這次過程中,感受到台下5年功,原來台上真的是5分鐘,我們實在贏了,贏了友情、默契、包容。
 
認真。其實又點會輸呢?
 
 
<曾子怡撰文之Q版生活系列>

About the Author