Q版生活 – 複製孩子

有天中午,約了女兒的老師見面,只因上次旅行中令我們錯過了家長日。上午班差不多放學,眼見一班家長自律地在學校門口排隊,等待夠鐘時便自行上班房接放學。
 
我跟站在門口的老師說,是約見了班主任,她有禮地邀請我先進寫字樓等待。在梳化等待途中,看到一位太太怒氣沖沖衝入寫字樓,大聲問著:邊個係負責人?
 
我真的以為追數追到去幼稚園?! 接著兩位主任上前問太太有什麼事…
 
 
太太:我入黎接放學,您地企門口果個人趕我走,唔俾我入!
主任:唔好意思,請問您幾點黎到?
太太:12點
主任:太太,由於保安理由,時間未夠的話,我地都會請家長等候
太太:你企門口果個人趕我出去,唔俾我入
主任:唔好意思,我地同事應該係請你出門口等,因為都係保安理由,所有家長都會在門口等待
太太:你望我都知我係家長啦! 仲保咩安呀? 企門口果個好惡喎! 咁點先?
<下刪300字>
 
 
我欣賞主任們的對應,絕對有禮,起碼沒有被那位太太有所影響。
 
以我的性格,差點忍不住企起身同那位太太講:門口果兩位老師剛才都好有禮貌,奈何,我肯定會被她喪罵,所以我放棄了。
 
孩子,正在複製家長,這一幕,實在恐怖。
下一幕,希望是美好。
 
<曾子怡撰文之Q版生活系列>

About the Author