Q版生活 – 幼兒焦慮症?

今天看到一篇報導,以為自己看錯題目要瞪大眼睛再看一次。
 
『本港部分幼童的焦慮情況較外地嚴重。有調查發現,一成六本地幼兒的焦慮程度高於正常水平,較海外同齡者為高。負責調查的學者指,父母管教子女的方法,對子女精神健康及焦慮程度有重大影響,建議父母多以身作則,有助培養幼兒性格優點,不應放任縱容,否則將令幼兒不懂分辨是非對錯、易生焦慮。』
 
嚇死人咩? 真係冇睇錯,係小朋友都焦慮埋一份。
 
每逢星期日都會同江喬去跑步班,講您都唔信,呢個跑步班真係純粹學習不同的田徑項目,不是跑會,所以亦沒有參加跑步比賽,我一心只想小Q認識多幾個朋友,星期日輕輕鬆鬆郁動下,起碼提昇一下佢嘅手腳協調同社交能力。
 
有時教練帶佢練習時,也正好我也到場內跑一下,一舉兩得!
 
我不是心理學家,只是個平凡媽媽,幼兒為何會憂慮? 我估計是由於父母憂慮所引起,看見現今小朋友每天密集的時間表,仲勁過我我返工開會!
 
讀傳統學校的,每天放學就去補習英文、公文數、奧數、琴棋書畫,總之樣樣皆能。
 
讀國際學校的,放學就補習中文,學寫中文字。
 
是否教育制度導致大家一起走上不歸路? 您唔跟又代表您嘅小朋友behind左?
 
我幾時都認為學業緊要,不過…應該有另一些比這更為重要。
 
 
<曾子怡撰文之Q版生活系列>

About the Author