Q版生活 – 冰桶挑機

最近一星期,面書全被冰桶洗版,由名人到名星再到熟悉嘅朋友面貌呈現眼前。這個冰桶挑戰的玩法令我想起之前提及過的一套戲,「PAY IT FORWARD 讓愛傳出去」 ,14年前的一套電影,概念一模一樣,去愛/付出俾3個人,之後他們同樣要付出給另外3個人。
有點不一樣嘅,就係唔需要公開去挑戰別人,亦唔需要在面書大大聲講俾人知您捐左款,最主要應該係冇用水同唔駛去買冰。有同事說:估唔到蕭邦就咁就發左,唔係彈琴果位,係賣冰果位。
淋冰桶,捐款...對香港人來說,未必好困難,最難係響『冇人知』嘅情況下,您依然會pay it forward嗎? 今次運動嘅成功,係透過一個冰桶令大家了解多左一個疾病並且為佢而付出,互相挑戰令人與人嘅距離近了,這個冰桶反而再次燃起大家心中那團火似的。
冰桶總有過去的一天,不如試試響冇人挑戰您嘅情況下您都去付出?
您,又做得到嗎?
不要想付出是一件大事,正所謂小人物做小事,不如就由今日開始,入到升降機同人打個招呼,甚或一個微笑已經可以PAY IT FORWARD!
 
<曾子怡撰文之Q版生活系列>

About the Author