Q版健康 – 誰是兇手?

最近遇到一位朋友,在coffee shop一坐下來,我已忍不住連環問他:
 

  • 您係咪腰酸背痛瞓唔到覺?
  • 工作係咪好大壓力?
  • 放假都冇心機?....
  •  

隔離檯有位女士立即望著我們,為了澄清我笑著跟她說:我唔係睇相嘅。
 
朋友回應:您點知架?
 
(其實,一睇佢個樣,係人都見到啦)
 
雖然身在咖啡店,都按捺不住叫他起身行幾步路。(為了觀察一下他的姿勢)
 
嘩!您做咩成條腰側左在一邊?
 
原來連他自己都不知道,只說這幾個月慢慢開始腰背痛,最近大腿也痛起來了,晚上難以入睡,上班精神不足,脾氣亦差了。
 
這是一個循環,如果不找出根源,問題只會越嚴重。
 
可能您都會問:究竟點解會咁? 肌肉點解會痛?
 
就算我地都唔係職業運動員,其實當肌肉過度使用,就會處於一個繃緊的狀態。
 
繃緊隨之而來會有咩問題?
 
影響血液循環,循環不好,就不能有效地帶走體內代謝而生的癈物,若是代謝物累積在身體,就會刺激肌肉神經,繼而引起酸痛感覺。
 
我們傾談了差不多一小時,終於搵出兇手了。
 
在他辦公室內有2張檯,正面是電腦檯,左面則擺放著公司電話、手提電話及叉電等等。
 
每天對著電腦,但隨著whatsapp的流量大增,久而久之每天都重覆一個動作,就是扭腰到左面檯上回覆電話。
 
當長期兩邊肌肉不平均地受壓迫,就造成了脊椎受力不均,所以他的痛點都集中在半邊身。
 
尋找兇手已成功了30%,剩餘就要靠努力去做運動才會得到真正的治療了。
 
起碼,離開咖啡店時終於看見他展露笑容。
 
<曾子怡撰文之Q版健康>

About the Author