點洗面巾最乾淨

【#點洗面巾最乾淨】香港地,地方細細,成日睇戲都見人地又面巾又浴巾又抺手巾,我相信大部分香港家庭嘅廁所,我地都係一人一條巾(仔),有時抺面抺身都係佢,最叻嘅話係掛多條抺手巾出黎,等大家洗完手可以抺手仔咁。
始終廁所都係一個極度潮濕嘅地方,最適合細菌繁殖,唔想抺面變成將細菌搽上面嘅話,建議每2-3天要 #洗毛巾 一次。當你發覺毛巾好似有陣味,可能代表微生物已開始響上面作怪了。
 
【#點洗面巾最乾淨】
 【方法一:食用鹽+蘇打粉】
將暖水倒入盆中,加大約2-3湯匙食用鹽(有助消毒殺菌)及2-3湯匙蘇打粉(有助去除污漬),攪至均勻,將毛巾放入水中,浸大約20分鐘之後,用手搓揉一下,最後放在太陽下曬乾便可。
【方法二:高溫消毒】
慢人版:將毛巾煮10分鐘,再清洗及曬乾
懶人版:毛巾濕水後扭乾,在微波爐加熱3分鐘
 
 

About the Author