芝麻細細粒：補腎健腦去皺減肥樣樣齊

芝麻細細粒：補腎健腦去皺減肥樣樣齊
近期興食『糊』，當然唔係四方城果種糊啦，講嘅係將食材打成粉末，沖水成糊狀黎食。不但有營養，又慳時間，只要有熱水就得啦，比起食個公仔麵簡單又健康。由於食材已打成粉末狀，所以消化起黎比較容易，吸收亦相對高，特別對於消化功能減退的老人和有咀嚼困難的朋友黎講，係一個唔錯嘅選擇。

當您購買這些磨成粉末嘅食物時，最重要係睇清楚食物標籤，成分內沒有加糖或其他添加劑，確保其天然健康。這些食物粉末的種類繁多，我們可以根據自己的喜好來搭配，調配不同的口味。
 
汀姐推薦一款最傳統美味嘅，芝麻粉
芝麻有補血補腎、潤腸通便等功效。香港人壓力大，睡眠、飲食不定時，多是身體虛弱，腎虛還有可能導致頭髮早白、指甲易脆、夜尿頻繁等問題，食芝麻粉會有很大改善作用，加上芝麻的香濃有助增進食慾，促進消化。
 
小朋友都好啱食
芝麻粉富含的營養素能改善腦力不足的現象，即是中醫角度的補腎健腦，能提高大腦的活動機能，而且從小開始吃芝麻粉，小孩子大便暢通沒煩惱。有朋友因為從小吃芝麻糊，到現在年過五十，頭上仍未見白髮，真係令人羨慕。

去皺減肥一樣掂
除此之外，芝麻還有去皺美顏的功效，特別是利用節食來減肥的人，由於長期攝取營養不足，皮膚會變得乾燥、粗糙；芝麻能令他們的肌膚回復光澤紅潤，明艷照人。

#2H #汀姐 #芝麻 #芝麻粉 #潤腸通便 #芝麻糊 #去皺 #減肥