自然養生 - 36°的果汁

夏天到，飲一杯冰凍嘅果汁，舒服得嚟大家都覺得健康過飲汽水!其實冰凍果汁有兩個問題要留意：首先，生冷冰凍飲品喺中醫角度會傷脾胃；此外，個別生果嘅果糖量都幾高，以為飲果汁可以瘦身，點知適得其反。 想飲果汁飲得健康? 可以試吓近年熱門話題 - 養生果汁，即係與人體體溫相近嘅36°暖果汁。我自一年前開始每朝都嘆呢種暖暖養生蔬果汁架!要炮製養生果汁，首先要有一部三匹以上馬力強勁嘅生機攪拌機($2000-3000起一部)，佢能夠將所有材料包括蔬果皮、肉、核，打到渣都無，倒出嚟嘅果汁質地杰撻撻，仲要係暖嘅，與正常果汁好大分別。 呢種口感奇特嘅蔬果汁近年愈來愈流行，有生機專家仲出著作教人用養生蔬果汁嚟提升健康及醫病，仲想知多啲? 下期再講我點炮製呢杯果汁!