腰痛未必一定係腰出事

頭痛醫頭,腳痛醫腳;咁腰痛呢? 有冇諗過導致腰痛可能未必一定係條腰有問題? 咁真正凶手又係邊位?
有時覺得條腰有D僵硬甚至痠痛,我地就開始將唔同嘅膏藥貼貼上腰部,最慘係貼滿腰都不見有好轉! 如果下次又係咁,不仿留意下佢,就係每日都支撐住你嘅『小腿及阿基里斯腱』!每當我地長時間站立或久坐,都會增加小腿肌肉嘅負荷,久而久之肌肉及筋腱會變得僵硬,當佢地失去柔軟度時,就有機會令我地感到腰痛、甚至有肩頸痛等不適!
 
Q. 阿基里斯腱位置響邊?
從小腿向下一直延伸至腳踝後側的肌腱,佢係腿部的重要大肌肉,負責支撐身體。
簡單形容一下,即係人嘅根基站不穩腳時,行路嘅姿勢就會有偏移,人體自然反應係會互補不足,繼而就令其餘嘅肌肉帶黎多餘負擔,會影響膝蓋、腰部肌肉等等。呢個情況如果冇及時根治,疼痛有機會一直向上延伸,直到肩頸位置,所以腰痛只係身體比我地嘅一個訊號,希望盡早作出改善。

 
[好介紹:熱敷伸展法] 平日冇腰痛都建議多做!
功效:溫暖小腿及阿基里斯腱,促進血液循環,不但可以消除水腫及疲勞,響夜晚做仲有助眠效果。
1. 將溫熱毛巾(要注意溫度不要過高)包在小腿底部即阿基里斯腱附近
2. 左右小腿各熱敷10分鐘
3. 開始伸展動作,坐在地下,伸直雙腿及腰部挺直,腳趾慢慢屈向身體
4. 進階伸展:再加上一個動作,慢慢將上身(即腰部)向雙腿自然放鬆下壓
#2H #零痛楚 #下背痛 #小腿痛 #腰酸背痛 #阿基里斯腱 #lowbackpain
 
 

About the Author