減肥要零碳生活?!

[減肥要零碳生活?]
一係唔減,一減就要好狠心? 有朋友話,要走碳水化合物!
何解要咁極端?
身體的脂肪又從何而來? 每天吃下去的油?
油會變成脂肪,大家都好容易明白,但係…碳水化合物都會變脂肪咩? 其實,當碳水化合物入到體內,再經過小腸分解之後,最終係會變成葡萄糖,再進入血液,而血液中的葡萄糖就會為我地身體帶黎能量。
不過,當血液入面嘅葡萄糖濃度過高,另一位主角『胰島素』就出現,佢嘅出現就相等於脂肪細胞出場。胰島素會將葡萄糖從血液入面運到去脂肪細胞,令佢嘅體積慢慢變大。所以,有人會話明明自己食野都唔太肥膩,又少食煎炸野,無奈地,平日飲食中嘅碳水化合物都會不知不覺咁樣令脂肪細胞變大,越食就越肥了。
解釋過後,減肥全走碳水化合物呢個行為我不太認同,都係果句,亞媽係女人,樣樣要食D,營養先均衡架嘛,唔通走碳走成世咩? 低碳不等於走碳,食得有節制就最好!
#碳水化合物 #減肥 #脂肪 #胰島素 #脂肪細胞 #葡萄糖

About the Author