日本人長壽早餐秘訣

日本人長壽早餐秘訣
有日,朋友剛從日本旅行返黎,佢就問我:點解日本男人又煙又酒,仲可以咁長命? 我相信,點都同日本人有良好飲食習慣有關。
去日本旅行,最LIKE就係日式早餐,一般包括:白飯、白粥、味噌湯,再配以各式各樣的醃漬物。
『味噌湯配白飯-補充體力』
麵豉湯係用黃豆為主的味噌湯,配以海帶,日本人其實不單止早餐飲味噌湯,一日三餐都飲,唔厭嘅咩? 可能真係習慣左啦!黃豆含豐富植物性蛋白質,海帶是在鹼醶性食物排名榜內位列榜首,因此日本人長壽,味噌湯功不可沒呀!
除左有味噌湯,日本人更LIKE白粥或白飯,早上食飯好處多,中國人坐月期間產婦吃五更飯來恢復體力;潮州人晨早食潮州粥,然後有氣有力去開工;日本人早上以粥、飯配煎三文魚、銀魚乾、醃蘿蔔片或蘿蔔蓉、酸薑、海帶、凍豆腐等。
不得不提銀魚乾,一條條手指尾大小的銀魚乾,把它連肉帶骨咬碎,鈣質豐富到不得之了。常吃這種小魚,肯定不用擔心會有骨質疏鬆問題,再講蘿蔔與薑,更是絕妙搭配。#2H #汀姐 #日本 #長壽早餐 #骨質疏鬆 #麵豉湯
 

About the Author