亞Q達人, Q版生活
朋友時常說，您就好彩啦，打到份好工，日日開開心心，我地就慘啦…
至於我係咪好彩?
我唔敢評論，畢業出黎打工都十多年了，我以前有一個『朵』 - 叫轉工王。
冇錯，我好努力想為自己的好彩澄清，其實，您地日日夜夜形容的低能上司，我以前當然遇過啦。
至於係快樂定好彩，其實…我認為全都取決於您!
打工仔快樂小秘訣，希望同大家分享一下:
- 以前見識過不同的boss style，我會提醒自己，好嘅要學，唔好嘅我唔要似佢
- 好唔鍾意D人見老闆一個樣，對管理員、清潔姐姐又另一個樣，所以記住…每個人都需要尊重
- 無論您工作嘅空間同範圍有幾大，盡量佈置一下，令自己有舒服感
- 不要吝嗇，每日笑住同人講句早晨，問句：您好嗎?
- 多點分享 (當然包括：笑容及小食)
打工仔，試下停一停埋怨，怨氣重了對身體也不好，以上簡單5招，令自己做個開心快樂人吧。
<曾子怡撰文之Q版生活系列>
