Sorry, you need to enable JavaScript to visit this website.
移至主內容

體溫微升,有助提升免疫力

最近呢段時間,大家對於量體溫一點都不會陌生,尤其家中有小朋友的,可能當我地發現體溫超過37度時,就會十分緊張,擔心是否發燒?唔講唔知,其實37度又真係一個健康嘅體溫黎。

可能你會話:唔係36.8先係正常體溫咩?高左些少都唔得掂架!
不過如果要揀,高少少好過低少少呀,點解?
據研究,原來體溫每降低一度,免疫力就會下降30%,即係點?成個人熱量不足,會成日覺得疲倦、眼瞓、冇胃口。

咁相反,體溫高少少呢? 當然我地唔係講緊發燒果種高啦。
日本醫學博士石原結實研究指出,如果人嘅體溫上升1℃,原來免疫力會暫時提升5-6倍。

所以如果想增強免疫力,其實微微提升體溫都係一個方法,做咩可以幫到手:

1. 浸浴或者浸腳
浸浴就比較浪費水源,唔敢鼓勵大家咁做,咁可以選擇浸腳啦,又唔會用太多水。一個星期可以浸腳兩次,水溫大約38-40度,大約10分鐘就可以了,浸腳另一個好處係可以提升埋血液循環,自自然連痛症都少D。

2. 適量攝取薑黃素、辣椒素
咖哩、辣椒、生薑、枸杞都有幫助

3. 運動
運動絕對可以提高體溫和免疫力,人體大約有40%嘅體溫係由肌肉產生,所以如果你嘅肌肉活動量唔足夠,或者冇咩做運動嘅話,會導致體溫下降。研究指出,如果我地做肌肉訓練或者肌肉運動,有效叫醒肌肉細胞嘅代謝活性大約12-72小時咁長架,簡單D講即係您可以每日用30分鐘快行或者慢跑,呢D都屬於帶氧運動,體溫定會上升再加上有少許出汗。