痞低起身見頭暈

最近大家講嘅話題都係圍繞住肺炎，除左買物資，大家都關注多左健康，每日嘅whatsapp/facebook都係朋友圈互通訊息，有朋友問起一個健康問題，佢話自己最近痞低起身見頭暈，好擔心身體出現左問題?!
究竟...痞低起身見頭暈，係咪代表身體出現左問題?
可能大家都有呢個經驗，痞低起身之後，突然發現有幾秒鐘天旋地轉同頭暈一暈嘅感覺，究竟點解會咁?
簡單解釋：當我們痞低時，成個人嘅重心都低左，因為脊椎彎曲左而腿部就屈曲了，呢個動作最影響就係血液流通，下肢血液流動已經唔太暢順，跟手呢個時候仲要突然企起身，血液就會好快咁流向下肢，而影響流入心臟的血量，造成血壓短暫下降。因為上半身突然缺血，所以就會有天旋地轉嘅感覺。

呢個現象有學名架，叫直立性低血壓(orthostatic hypotension)，其實除左痞低起身見頭暈之外，就算你朝早瞓醒起身都有機會出現呢個情況架。咁如果呢個係一個正常嘅生理反應，你就唔駛太過擔心啦!當身體經過快速協調之後，血液回流返去上半身，頭暈眼花嘅症狀就會消失。

當然，如果你發覺痞低起身見頭暈係會持續一段時間，又或者你平日冇痞低起身都會見頭暈，就真係要請教下家庭醫生啦。

有冇方法可以減低症狀?
當你每次痞低，起身嘅時候只要速度減慢就唔會有咁大反應架啦。