Sorry, you need to enable JavaScript to visit this website.
移至主內容

唔肯戴口罩,你病定我病?

究竟你病定我病?
舊朋友飯局,最近嘅話題離唔開:究竟有邊隻口罩好用? 寫字樓放咩噴咩可以殺菌? 掛頸嘅空氣清新機work唔work?
其中一個一提到口罩,佢就火都嚟埋,我哋立即探究一下,究竟點解佢咁好火氣?佢話響寫字樓有同事自己咳,又唔帶口罩!喉嚨痛,又唔帶口罩!喉嚨痛嗰個同事,竟然同其他同事講,大家放心喎,喉嚨痛係唔會傳染個喎,你哋唔使咁驚青!大佬呀!寫字樓有老有嫩,大肚媽媽都有好幾個,有時真係諗唔明,點解人會咁自私?
至於咳嗰個同事,佢就同大家講,我只係濁親,唔係有病。我相信好地地應該唔會有人天生鍾意戴口罩,因為好焗,唞啖氣都唔舒服,但係點解應該戴口罩嘅人偏偏唔戴? 我地已經唔可以用常理去諗,最搞笑係,你提身邊嘅人戴口罩分分鐘比人打。
講到尾,希望大家都身體健康,勤洗手多消毒戴口罩,再加上多做運動,希望增強身體嘅免疫力,另外食多啲有營養或者維他命C豐富嘅食物,再加上充足睡眠,可以令我哋打好過底,大家都要保重呀。
網上購物:www.2h-store.com
如果想知更多健康生活小貼士, 記得訂閱 [Sonia亞桑]Channel, 同埋要hit the notification bell, 咁就收到最新消息啦,Click in: https://bit.ly/34H3Gfx