一個好簡單動作，25秒有助激活脊椎頸脊，都市人、低頭族必學
都市人/低頭族/OL....，大家每日對住手機/電腦嘅時間多過對人，自自然然會腰痠背痛，去按摩?? 去得幾多次呢?
日忙夜忙又冇時間做運動，有咩方法可以自救一下?
好多人閃了腰時就會好緊張咁去睇醫生，脊醫、骨醫、西醫、專科、物理治療樣樣齊，其實我地可以對自己好D，即係可以平日都做，係習慣去做一D伸展嘅動作，絕對可以大大減低受傷嘅機會架!
今日同大家一齊做上半身嘅伸展動作，冇錯，今次係主要集中響上半身，點解?
因為成日都聽大家問嘅問題都係腰痠背痛，所以今次要快D講左比大家知，解救一下大家嘅困擾先!
您見到片段中每個動作都維持了大約20-25秒，我地做伸展動作時盡量都試下呢個秒數，因為呢個時間係可以令我地嘅肌肉真正放鬆到!
究竟有咩動作可以幫我地激活頸脊椎?
唔難做，大家都做得到架!
全身放鬆晒，屈膝然後前傾，好似片段中您見到我慢慢起身，而起身嘅秘訣就係慢，同埋要由下身開始，我地想像要控制身體逐個部份，起初由膝蓋變直，再去脊椎尾部近臀部，再到中背，上背，頸椎慢慢挺直身體。 整套動作開始時不宜做太長，即大約25秒，到您熟練動作及控制到身體時才延長些少時間，要避免腦充血呢!
每天做這動作，整個脊椎會變得更有活力及保持良好的柔軟度，周身骨痛自然離您而去。
立即網上購物：www.2h-store.com
如果想知更多健康生活小貼士, 記得訂閱 [Sonia亞桑]Channel, 同埋要hit the notification bell, 咁就收到最新消息啦，Click in: https://bit.ly/34H3Gfx
